Seda Sevencan
02 Октомври 2022•Ажурирај: 02 Октомври 2022
ИСТАНБУЛ (АА) - Украинскиот претседател Владимир Зеленски изјави дека знамето на неговата земја се вее во градот Лиман, во источниот регион на Доњецк, што Русија го анектира ден претходно, пренесува Агенција Анадолија (АА).
„Во текот на неделата се појавија повеќе украински знамиња во Донбас. За една недела ќе се појават уште повеќе. Тогаш каков е овој псевдореферендум? Дали постојат два региона Доњецк? Две села Јампил, Доњецки Регион? Дали има две села Торске? Украинското движење ќе продолжи!“, рече Зеленски.
„Украинското знаме е веќе во Лиман, во Доњецкиот Регион. Таму сè уште има борби, но нема траги од никаков псевдореферендум. Тоа е логично за Украина, а за непријателот ќе има сè повеќе и повеќе вакви несовпаѓања. Украина ќе си го врати своето. И на исток и на југ. И она што се обидоа да го анектираат сега, и Крим, кој го нарекуваат анектиран дел уште од 2014 година. Нашето знаме ќе се вее насекаде“, додаде тој.
Претходно, министерот за одбрана соопшти дека нивните војници влегуваат во градот.
