Израелските сили вршат упади во домови и поставија контролен пункт во јужна Сирија

Израелските сили извршија упади во неколку домови и поставија контролен пункт за време на одделни навлегувања во јужна Сирија во текот на вчерашниот ден, објавија сириските медиуми, пренесува Анадолу.

Телевизијата „Ал-Ихбарија“ објави дека израелските трупи извршиле упади во повеќе домови за време на навлегувањето во селото Маарија, во западниот рурален дел на губернијата Дара.

Во соседната губернија Кунеитра, израелските сили поставија контролен пункт на патниот правец Аин ал-Нурија – Кан Арнаба, соопшти телевизијата.

Инцидентите се случија во екот на зачестените израелски воени операции на сириска територија, за што говореше претседателот Ахмед ал-Шара на 81-вата седница на Генералното собрание на ОН минатата недела.

Ал Шара изјави дека Израел извршил речиси 500 воздушни и артилериски напади и повеќе од 1.200 упади во Сирија од крајот на 2024 година, како и речиси 300 апсења и притворања.