Ирак: „Во нападот немаме жртви“

БАГДАД

Ирачката Влада соопшти дека нема ниту еден загинат од ирачките сили во нападот на Иран врз американските бази во Ирак, пренесува Агенција Анадолија (АА).

Во писмената изјава од Мрежата за безбедносни медиуми на ирачката Влада се нагласува: „Ирачката територија беше подложена на 22 ракетни напади во периодот од 01:45 до 02:15 часот. 17 од ракетите паднаа во американската воздухопловната база „Ајн ел Асад“, 5 во Ербил (американска база).“

Во соопштението се истакнува дека сите проектили паднале во седиштето на коалиционите сили (САД) и дека меѓу ирачките сили нема загинати или повредени војници.