Петмина Палестинци убиени во израелски напад врз пункт за хуманитарна помош во Газа

СКОПЈЕ (АА) - Петмина Палестинци се убиени денес во израелски воздушен напад врз Палестинците кои чекале на пункт за делење на хуманитарна помош во близина на коридорот Нецарим во Газа, јавува Анадолу.

Телата на починатите и повредените се однесени во болницата Ал-Авда.

Израелската војска дозволува влез само на ограничен број камиони со хуманитарна помош во Газа, што не ги задоволува ни минималните основни потреби на населението.

Отфрлајќи ги меѓународните повици за прекин на огнот, израелската армија спроведува брутална офанзива во Газа од октомври 2023 година, во којашто убиени се над 55.700 Палестинци, повеќето од нив жени и деца.

Минатиот ноември, Меѓународниот кривичен суд издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел се соочува и со случај за геноцид пред Меѓународниот суд на правдата за војната против енклавата.