Путин: Русија ќе „одговори со иста мера“ на запленувањето на нејзини бродови од земји на ЕУ

Рускиот претседател Владимир Путин изјави дека неговата земја ќе „одговори со иста мера“ на запленувањето на нејзините трговски бродови од земји на ЕУ, оценувајќи ги таквите планови како „ништо повеќе од пиратерија и разбојништво“, јавува Анадолу.

„Ако ова почне да се спроведува во практика, ќе бидеме принудени да одговориме со иста мера“, рече Путин за време на учеството во завршната фаза на вежбите на руската Тихоокеанска флота во градот Јужно-Сахалинск, во рускиот далекуисточен регион Сахалин.

Путин рече дека Русија гледа како властите во некои земји од ЕУ се обидуваат да го ограничат движењето на нејзините трговски бродови „во спротивност со меѓународното поморско право“.

Тој наведе дека овие земји дури размислувале за нивно запленување и продажба на имотот, за кој рече дека го украле од нив.

„Ова, се разбира, не е ништо друго освен пиратерија и разбојништво“, додаде Путин, нагласувајќи дека одговорот на Русија не мора да се случи во водите каде што би се извршиле запленувањата, туку „секаде каде што ќе сметаме дека е потребно и соодветно, каде било, вклучително и во Пацификот“.