УНРВА: Поради израелските напади Рафа ја напуштија 360.000 Палестинци

ГАЗА (АА) - Обединетите нации (ОН) објавија дека речиси 360.000 Палестинци морале да го напуштат регионот Рафа, што се наоѓа на јужниот дел на Појасот Газа, кој е цел на израелски напади, јавува Анадолу.

Агенцијата на ОН за помош и работа за палестинските бегалци на Блискиот Исток (УНРВА) соопшти дека од 6 мај досега речиси 360.000 луѓе ја напуштиле областа Рафа, чии делови Израел бара да се евакуираат.

Тие го свртеа своето внимание на нападите во северниот дел на Газа, особено на бегалскиот камп Џабалија.

„Бомбардирањата и наредбите за евакуација во северниот дел на Газа предизвикаа поголеми раселувања и страв кај илјадници семејства“, велат тие.

УНРВА нагласи дека во Газа нема каде да се оди и дека безбедноста не може да се воспостави доколку не се постигне прекин на огнот.

Израелската Армија на 6 мај предупреди дека некои населби на источниот дел на Рафа, каде што се засолниле насилно раселените Палестинци, треба да се евакуираат.

Потоа, на 7 мај израелската Армија изврши копнен напад врз Рафа.