Фидан и Блинкен разговараа за Газа

БРИСЕЛ (АА) - Турскиот министер за надворешни работи, Хакан Фидан, се состана во Брисел со американскиот државен секретар, Ентони Блинкен, известува Анадолу.

Турското МНР објави дека Фидан и Блинкен се сретнале пред состанокот на министрите за надворешни работи на земјите членки на НАТО.

Двајцата министри на средбата разговарале за најновите случувања во Газа и за процесот на членство на Шведска во НАТО.

Во соопштението на американскиот Стејт департмент се наведува дека Блинкен и Фидан имале многу конструктивен состанок.

Блинкен истакнал дека сите вложуваат напори во врска со кризата во Газа.

„Исто така сум благодарен на нашата соработка со Туркије, важен сојузник на НАТО“, рекол Блинкен.

Министрите за надворешни работи на НАТО се собраа денес во седиштето на НАТО во Брисел, главниот град на Белгија, за да разговараат за судирите во Украина и на Блискиот Исток, како и за растечкото стратешко ривалство.