„Море од облаци” ги покри падините на планините Качкар во североисточна Турција

СКОПЈЕ (АА) - Падините на покриените со снег планини Качкар во областа Ризе во североисточна Турција беа претворени во магична глетка, кога густата магла создаде спектакуларна појава позната како „море од облаци“, јавува Анадолу.

Познатите висорамнини во Ризе, кои привлекуваат посетители преку целата година поради својата природна убавина, овој пат беа дополнително разубавени поради студеното и дождливо време кое го зафати регионот изминатите денови.

Во долината во рамките на Националниот парк Качкар, во областа Чамилхемшин, се формираше густа магла, создавајќи впечатлива визуелна сцена.

Снимката од дрон дополнително ја истакна атмосферата.

​​​​​​​Овој природен спектакл уште еднаш го потврди статусот на Националниот парк Качкар како омилена дестинација за љубителите на природата и планинарите.

Со своите сезонски трансформации и фасцинантни пејзажи, регионот продолжува да привлекува домашни и странски посетители.