Greqi, refugjatët sirianë në protestë

ATHINË (AA) – Refugjatët sirianë të cilët qëndrojnë në kampet e kryeqytetit të Greqisë, Athinë, marshuan drejt Ambasadës së Gjermanisë për të ngritur zërin e tyre, raporton Anadolu Agency (AA).

Më shumë se 100 refugjatë, shumica e të cilëve gra dhe fëmijë u mblodhën në sheshin 'Sintagma' të qendrës së qytetit dhe marshuan, duke kërkuar të bashkohen sa më shpejtë me familjarët e tyre.

Refugjatët të cilët marshuan përpara ambasadës gjermane dhe shprehën dëshirën e tyre që të takohen sa më shpejtë me familjarët e tyre. Ata kërkuan nga zyrtarët gjermanë që të dëgjohet zëri i tyre.

Refugjatët mbanin pankarta me mbishkrime “Dua familjen” dhe brohoritën me slogane "Jo më pritjes".

Pasi disa vende evropiane mbyllën dyert për refugjatët para një viti e gjysëm mbi 60 mijë refugjatë mbetën të bllokuar në Greqi.