Prishtina ndriçohet për fillimin e Ramazanit

Sikurse tashmë është bërë traditë, për nder të fillimit të muajit të bekuar Ramazan, pjesa e vjetër e Prishtinës është zbukuruar me drita dekorative, duke krijuar një atmosferë më të ngrohtë festive, transmeton Anadolu.

Ky vit ka sjellë një risi, pasi përveç lagjes historike, është ndriçuar edhe sheshi kryesor i kryeqytetit të Kosovës, duke e bërë më madhështore këtë solemnitet fetar.

Në ceremoninë e ndezjes së dritave ishin të pranishëm kryetari i Bashkësisë Islame të Kosovës (BIK), Myftiu Naim Tërnava, dhe kryetari i Prishtinës, Përparim Rama, të shoqëruar nga bashkëpunëtorët e tyre.

Ata i uruan të gjithë agjëruesit për një muaj të bekuar, duke iu dëshiruar agjërim të lehtë dhe të pranuar.

Atmosfera festive dhe dritat e ndezura në kryeqytet shënojnë kështu fillimin e muajit të Ramazanit, duke bashkuar qytetarët në shpresë, paqe dhe solidaritet.