Belgjikë, mbahet maratona e 43-të tradicionale

Në kryeqytetin e Belgjikës, Bruksel u mbajt maratona e 43-të tradicionale, transmeton Anadolu.

Në maratonën që filloi në Parkun e 5-vjetorit, krahas kryeministrit Alexander de Croo morën pjesë kryesisht anëtarë dhe mbështetës të rreth 500 kompanive të cilët formuan pamje shumëngjyrëshe në rrugët e Brukselit.

Në garën e cila mbahet që nga viti 1980 dhe e cila u ndërpre në periudhën e COVID-19, morën pjesë rreth 42 mijë njerëz nga më shumë se 140 vende.

Krahas kryeministrit De Croo, në garë morën pjesë edhe mbretëresha e Belgjikës, Mathilde dhe presidentja e Parlamentit Evropian, Roberta Metsola.

Ashtu si në dy vitet e fundit garën 20 kilometra e përfundoi i pari i riu belg Amaury Paquet.

Gara shkaktoi ndërprerje në masë të madhe në trafikun e qytetit.