Riyaz ul Khaliq
20 Mars 2019•Përditësim: 21 Mars 2019
Numri i martesave në Korenë e Jugut ka rënë në nivelin më të ulët në katër dekadat e fundit në vitin 2018, tregojnë të dhënat e qeverisë, transmeton Anadolu Agency (AA).
Sipas agjencisë koreane të lajmeve Yonhap, martesa është duke u bërë një çështje e kushtueshme duke i bërë njerëzit të shmangin martesën në kohën e stresit ekonomik.
"Të rinjtë vonojnë martesën mes një ngadalësimi të zgjatur ekonomik", raportoi Yonhap.
Gjithsej 257.622 persona u martuan vitin e kaluar në krahasim me 264.455 në vitin 2017, tha Departamenti i Statistikave të Koresë së Jugut.
"Shifrat janë më të ulëta që nga viti 1972, kur numri i çifteve që u martuan arriti në 244.780", thuhet në raportin.
Shifrat treguan se numri i divorceve është rritur me 2.5 për qind në vitin 2018 duke arritur në 108.684.
Raporti thotë se të rinjtë koreanë po "vonojnë martesën ose po e braktisin martesën krejtësisht dhe kanë foshnja derisa luftojnë me pasiguritë e ardhshme".
Po ashtu thuhet se mosha mesatare e meshkujve që martohen në Korenë e Jugut arriti një rekord të lartë prej 33.1 vjetësh në vitin 2018, krahasuar me 32.9 vjet në vitin 2017, ndërsa mosha mesatare e martesës që janë përherë të parë nuse është 30.4 vjet në 2018, nga 30.2 vjeç në vitin 2017.
