Një gjeneral rus vritet në Ukrainë

Një shef ushtarak rus u vra në Ukrainë, thanë të mërkurën forcat speciale paraushtarake ruse Akhmat, transmeton Anadolu.

Gjeneralmajor Anton Grunis, komandanti i Brigadës së 4-të të pushkëve motorike të Grupit Jugor të Forcave, u vra në rajonin e Luhanskut, tha komandanti i Akhmat, gjenerallejtënant Apti Alaudinov në platformën e mediave sociale ruse Max.

Alaudinov, i cili është gjithashtu nënkryetar i drejtorisë ushtarako-politike të Forcave të Armatosura Ruse, e përshkroi Grunisin si "një nga gjeneralët që ai respektonte më shumë".

Grunis iu dha titulli Hero i Rusisë më 28 gusht.

Nën komandën e tij, forcat ruse morën pjesë në luftimet për qytetin Kostiantynivka në rajonin e Donetskut.

Presidenti rus, Vladimir Putin, vlerësoi gjithashtu Grunis për performancën e tij në luftime.

Ushtria e Ukrainës mori përgjegjësinë për vrasjen e Grunis

"Gjenerali Grunis u likuidua më 12 shtator 2026, në një bastisje nate në TOT të rajonit të Donetsk nga departamenti ndëshkues i SBS Birds," tha Robert Brovdi, komandanti i Forcave të Sistemeve Pa pilot, në platformën amerikane të mediave sociale Facebook.