Në sulmin e ri në Halep, vriten 6 dhe plagosen dhjetëra civilë

HALEP (AA) - Të paktën gjashtë civilë u vranë në sulmin e ri ajror mbi vendbanimin Ibin në perëndim të Halepit, raporton Anadolu Agency (AA).

Sulmi është kryer nga avionët e ushtrisë ruse. Përfaqësuesit e mbrojtjes civile thanë se avionët rusë bombarduan vendbanimin në Ibin i cili është nën kontrollin e opozitës siriane.

Në këtë sulm humbën jetë gjashtë civilë ndërsa u plagosën dhjetëra të tjerë.

Është shkaktuar dëm i madh material në shtëpitë dhe objektet e biznesit. Avionët rusë e kanë bombarduar edhe qendrën e Halepit.

Në sulmin e djeshëm në rajonin Etarib humbën jetën 22 persona ndërsa 50 të tjerë u plagosën.