Seda Sevencan
12 Qershor 2024•Përditësim: 13 Qershor 2024
Presidenti i Türkiyes, Recep Tayyip Erdoğan, ka mbërritur në Spanjë për të marrë pjesë në samitin ndërqeveritar të 8-të midis dy vendeve, raporton Aandolu.
Presidenti Erdoğan u prit në Aeroportin Torrejon të Madridit nga sekretari spanjoll i shtetit për Bashkimin Evropian (BE), Fernando Mariano Sampedro Marcos, si dhe nga ambasadori spanjoll në Ankara, Cristina Latorre, ambasadorja turke në Madrid, Nüket Küçükel Ezberci, si dhe zyrtarë të tjerë.
Pas mbërritjes së tij, presidenti Erdoğan zhvilloi një takim me dyer të mbyllura me Mbretin e Spanjës, Felipe VI, në Pallatin Mbretëror Zarzuela.
Presidenti turk shoqërohej nga një delegacion i gjerë, përfshirë Zonja e Parë, Emine Erdoğan, ministrja e Familjes dhe Shërbimeve Sociale, Mahinur Özdemir Göktaş, ministri i Energjisë dhe Burimeve Natyrore, Alparslan Bayraktar, ministri i Thesarit dhe Financave, Mehmet Şimşek, ministri i Industrisë dhe Teknologjisë, Mehmet Fatih Kacır, ministri i Bujqësisë dhe Pylltarisë, İbrahim Yumaklı dhe ministri i Tregtisë, Ömer Bolat.
Gjatë ditës së nesërme, Türkiye dhe Spanja do të mbajnë Samitin e 8-të Ndërqeveritar, me bisedimet që do të kryesohen nga presidenti Erdoğan dhe kryeministri spanjoll, Pedro Sanchez.
Sanchez ka deklaruar se samiti është parë si një tregues i thellimit të marrëdhënieve midis dy kombeve.
