Studimi paralajmëron temperatura më ekstreme në të gjithë Evropën Qendrore

Evropa mund të shohë rritje të mprehtë të ditëve të nxehta ekstreme së bashku me netët tropikale në dekadat e ardhshme, transmeton Anadolu.

Klimatologët çekë zbuluan një vlerësim të detajuar se sa rrezikshëm mund të zhvillohen temperaturat e larta në Evropën Qendrore, raportoi "Radio Prague International". Dekadat e ardhshme mund të sjellin rritje të konsiderueshme të ditëve kur nxehtësia ekstreme e ditës përkon me netët tropikale, kur temperaturat nuk bien nën 20 gradë Celsius.

Hulumtimi thekson se kushte të tilla paraqesin rrezik të madh për shëndetin pasi disa rajone mund të shohin më shumë se shtatë ditë të tilla në vit. Sipas raportit, kombinimi i ditëve të nxehta dhe netëve tropikale është aktualisht relativisht i rrallë, mesatarisht më pak se dy ditë në vit midis 1995 dhe 2014.

Gjatë valëve të të nxehtit që nga fillimi i vitit, gjithsej 1.237.645 hektarë janë djegur në të gjithë kontinentin, sipas BE-së. Të dhënat e Sistemit Evropian të Informacionit për Zjarret në Pyje treguan se 1.528 zjarre u zbuluan në të gjithë Evropën nga fillimi i vitit deri në 6 gusht.