Sulme me bomba fosfor dhe thërrmuese në Idlib dhe Halep

HALEP/IDLIB (AA) - Si pasojë e sulmeve me bomba fosfor dhe thërrmuese nga avionët rusë në Idlib dhe Halep të paktën dy fëmijë kanë humbur jetën dhe shumë civilë të tjerë kanë mbetur të plagosur, raporton Anadolu Agency (AA).

Sipas informacioneve të marra nga gazetari i AA thuhet se sulmet kanë ndodhur në Kafr Hamra dhe Hrejjatan të cilat ndodhen në veri të Halepit si dhe në Maarret en-Numan të Idlib-it. Burimet kanë thënë se në Halep janë përdorur bomba fosfor, ndërsa në Idlib bomba thërrmuese.

Burimet thanë gjithashtu se në sulmet e organizuara me bomba thërrmuese në Maarret en-Numan të paktën dy fëmijë kanë humbur jetën, ndërsa në sulmet në veri të Halepit një numër i madh civilësh kanë mbetur të plagosur.

Ndërkohë që pas sulmeve thuhet se në vend ka rënë zjarr dhe se ekipet e shpëtimit kanë shkuar menjëherë në vend ngjarje për të marrë nën kontroll atë.