Gökhan Kurtaran
30 Gusht 2016•Përditësim: 31 Gusht 2016
LONDËR (AA) - Në Britani të Madhe, më shumë se një e treta e të rinjve brenda moshës 18-24 vjeç, kanë nga një borxh personal. Sipas anketimit që Money Advice Trust ka kryer me anë të kompanisë YouGov thuhet se borxhi i tyre është afërsisht 3 mijë sterlina, raporton Anadolu Agency (AA).
Sipas anketës së kryer me 2.042 të rinj më shumë se gjysma e të rinjve rregullisht përjetojnë vështirësi ekonomike ku 32 për qind e tyre ndodhen nën rëndesë të borxheve.
Në anketë është përfshirë vetëm borxhi i të rinjve britanikë nga kartat e kreditit dhe të kredive konsumatore, ndërsa nuk janë përfshirë borxhet nga kreditë studentore, e cila në Britani ka një mesatare afërsisht 25 mijë e 505 sterlina.
Drejtuesja e lartë e Money Advice Trust, Joanna Elson në një vlerësim në lidhje me anketën u shpreh "Shumë të rinjë që mbushin moshën 18 vjeç futen në borxhe me shpejtësi. Duhet të përpiqemi tu ofrojmë mbështetje atyre. Nëse nuk marrim masat e nevojshme do të përballemi me një rrezik të vërtetë, ku borxhet e të rinjve do të ndodhen në nivelin e borxheve të të rriturve".
