نرخی خاوی برێنت بۆ ٦٩ دۆلار و هەشت سەنت دابەزی

ئەنقەرە- AA

نرخی بەرمیلێک خاوی برێنت لە بازاڕەکانی جیهاندا، بۆ ٦٩ دۆلار و هەشت سەنت دابەزی.

رۆژی هەینی نرخی بەرمیلێک خاوی برێنت گەیشتە ٧٢ دۆلار و ٤٣ سەنت و رۆژەکەی بە ٧٠ دۆلار و ٧٠ سەنت تەواو کرد.

کاتژمێر ٠٩:٢٢ی بەیانی ئەمڕۆ، نرخی بەرمیلێک خاوی برێنت بەڕێژەی سەدا ٢،٢٩ دابەزینی بەخۆوەبینی و بە ٦٩ دۆلار و هەشت سەنت فرۆشرا.

لە هەمان کاتدا خاوی رۆژئاوای تێکساس بە ٦٦ دۆلار و ٦٧ سەنت فرۆشرا.

بەرزبوونەوەی بەهای دۆلاری ئەمریکی و گرتنەبەری رێوشوێنەکانی خۆپارێزی لە ژمارەیەک وڵاتی ئاسیا بەتایبەت لە چین، وایان کردووە نیگەرانی بەرامبەر ئاساییبوونەوەی ئابووری جیهان دروست ببێت و ئەمەش کاریگەری نەرێنی کردووەتە سەر نرخی نەوت.