دانیشتنی پەرلەمانی کوردستان دەستی پێ کرد

هەولێر - AA

ئەمڕۆ سێشەممە، دانیشتنی پەرلەمانی کوردستان دەستی پێ کرد و بڕیارە لە دانیشتنەکەدا، پڕۆژە یاسای پەروەردە و فێرکاریی لە هەرێمی کوردستان تاوتوێ بکرێت.

بەپێی کارنامەی دانیشتنەکە، تەوەری دانیشتنەکە بریتییە لە بەردەوامبوون لەسەر خوێندنەوەی دووەم بۆ پڕۆژەیاسای (پەروەردە و فێركاریی لە هەرێمی كوردستان-عێراق)، به‌پێی حوكمی مادده‌كانی (٨٧، ٨٨، ٨٩، ٩٧) له‌ په‌یڕه‌وی ناوخۆی په‌رله‌مانی كوردستان.

لە دانیشتنەکەدا شاندێکی وەزارەتی پەروەردە بە سەرۆکایەتی بریکاری وەزارەتی پەروەردەی حکوومەتی هەرێمی کوردستان، سەیوان عەلی بەشدارە و بڕیارە گفتوگۆ لەسەر کەرتی پەروەردە لە هەرێمی کوردستان بکرێت.

هاوکات پڕۆژە یاساکە لە ١٨١ ماددە پێکهاتووە و سەرجەم بوارەکانی خوێندنی لەخۆ گرتووە لەوانە، خوێندنی ئەهلی، حکوومیی، قوتابخانە نێودەوڵەتییەکان، پەیمانگا حکوومیی و ئەهلییەکان.