کارەبای مەخموور چاک کرایەوە

هەولێر - AA

وەزارەتی کارەبای هەرێمی کوردستان رایگەیاند کە کارەبای مەخموور کە هەفتەی رابردوو کرابوویە ئامانجی هێرشێکی تێکدەرانە، چاک کرایەوە.

بەپێی راگەیەندراوێکی وەزارەتی کارەبا، تیمەکانی کارەبا لە ماوەیەکی پێوانەییدا توانیویان تاوەر و هێڵەکانی گواستنەوەی کارەبای مەخموور چاک بکەنەوە کە ببووە ئامانجی کردەوەیەکی تێکدەرانە و تەقێندرابوونەوە.

رۆژی پێنجشەممەی هەفتەی رابردوو، سێ تاوەری گواستنەوەی هێڵی ١٣٢ کەی ڤی لە مەخموور لەلایەن تێکدەرانەوە تەقێندرابوونەوە.

وەزارەتەکەی ئاماژەی بەوەشداوە کە تیمەکانی کارەبا لە ماوەی ٧٢ کاتژمێردا، تاوەر و هێڵەکانیان چاک کردەوە و رەوشی کارەبا لە مەخموور ئاسایی بۆتەوە.