Довербата во германската економија влошена во септември

АНКАРА (АА) - Довербата во германската економија е влошена трет месец по ред во септември, поради загриженоста за можниот недостиг на енергија оваа зима, соопшти Економскиот истражувачки институт, пренесува Агенција Анадолија (АА).

Процентот на очекувањата на Центарот за европски економски истражувања Лајбниц (ZEW) падна од минус 55,3 во август на минус 61,9 во септември, што е најниско ниво од октомври 2008 година.

Оваа бројка во септември беше полоша од пазарните проценки од минус 60.

Индексот на сегашните услови се влоши и во најголемата европска економија, достигнувајќи минус 60,5 во септември од минус 47,6 претходниот месец.

Во исто време, изгледите за следните шест месеци, исто така, дополнително се влошија.

„Изгледите за недостиг на енергија во претстојнава зима ги направија очекувањата уште понегативни за големи делови од германската индустрија“, рече претседателот на Центарот, Ахим Вамбах.