Со коронавирус се заразени 100 службеници на ОН

ЊУЈОРК

Обединетите нации (ОН) соопштија дека 100 службеници на таа организација се заразени со коронавирус, јавува Агенција Анадолија (АА).

Портпаролот на ОН, Стефан Дујариќ, денес потвди дека на тестовите на коронавирус биле позитивни вкупно 100 службеници во уредите на таа организација ширум светот.

Вирусот што за првпат се појави во Вухан, Кина, во декември минатата година, се прошири во најмалку 177 земји и региони низ светот. Од последиците предизвикани од овој вирус во светот починаа вкупно 35.019 лица, а детектирани се над 750.000 случаи на заразени со Ковид-19.