Кина лансираше осум сателити во вселената од море

ИСТАНБУЛ (АА) - Кина денес лансираше најмалку осум нови сателити во вселената од море, објавија државните медиуми, пренесува Анадолу.

Сателитите се лансирани со комерцијалната ракета Смарт Драгон-3, а лансирањето се одржало денес во водите во близина на градот Хајанг во источната провинција Шандонг, јави новинската агенција Синхуа.

Сите сателити се поставени на нивната планирана позиција во орбитата.

Тоа е четврто лансирање на ракетата носач Смарт Драгон-3.