Земјотрес со јачина од 6,4 степени го погоди брегот на јужните Филипини

Земјотрес со јачина од 6,4 степени денес го погоди крајбрежјето на јужните Филипини, во регионот Минданао, соопшти Германскиот истражувачки центар за геонауки, пренесува Анадолу.

Земјотресот е регистриран на длабочина од 10 километри.

Не е издадено предупредување за цунами, а засега нема информации за жртви или предизвикана материјална штета.

Филипини се наоѓаат во пацифичкиот Огнен прстен, едно од сеизмички најактивните подрачја во светот, каде што се судираат четири големи тектонски плочи.