Италијанската Влада размислува за продолжување на суспензијата на слободното движење во Шенгенската зона со Шпанија

Италијанската Влада размислува за продолжување на привремените гранични контроли со Шпанија доколку ситуацијата во нејзината северноафриканска енклава не се врати во нормала до крајот на месецот, објави вчера италијанскиот дневен весник „Ил Месаџеро“, јавува Анадолу.

За италијанскиот весник два извора изјавиле дека Владата би можела да ја продолжи суспензијата на правилата за слободно движење во Шенгенската зона доколку не престанат преминувањата од Мароко во Сеута.

Изворите велат дека Владата не ја исклучува можноста за продолжување на граничните контроли до првата недела од септември и подолго, доколку е потребно.

Неодамна, по пристигнувањето на повеќе од 70.000 мигранти во Сеута кон крајот на јули, Италија воведе привремени воздушни и поморски гранични контроли со Шпанија.

Мадрид ја критикуваше италијанската мерка, истакнувајќи дека Сеута е надвор од Шенгенската зона, што значи дека мигрантите што пристигнуваат таму не може слободно да патуваат понатаму во други европски земји. Исто така, го обвини Рим дека го користи прашањето за внатрешнополитички цели.

Шпанија воведе слични гранични контроли за патниците од Италија.