Германија дополнително испорача оружје со хаубици на Украина

БЕРЛИН (АА) - Германската Влада испорача дополнителни артилериски системи со хаубици на Украина, објави шефот на Парламентарната комисија за одбрана, пренесува Агенција Анадолија (АА).

„Испорачани се повеќе артилериски системи со хаубици, во меѓувреме, 24 самоодни хаубици“, изјави Мари-Агнес Штрак-Цимерман за телевизијата РТЛ.

Хаубиците Панцерхаубиц 2000 (PzH 2000) од германско производство се познати како еден од најмоќните артилериски системи.

Штрак-Цимерман, исто така, рече дека Владата планира да испрати 6 или 7 дополнителни противвоздушни тенкови Гепард во Украина.

Тенковите Гепард ќе бидат испорачани по завршувањето на надградбите од германскиот производител Краус-Мафеи Вегман (KMW).

Германија беше верен сојузник на Украина во нејзината војна со Русија и вети дека ќе обезбеди оружје и опрема во вредност од 2 милијарди евра (2,11 милијарди долари), што ќе бидат купени оваа година од германски одбранбени компании.