Турските разузнавачи го неутрализираа т.н. водач на терористичката организација ПКК/КЏК во ирачки Киркук

- Авџи, со кодно име Чија Ахмед, бил вклучен во терористички активности во сирискиот град Африн и ирачките региони Синџар и Гара, а имал организациона улога и во акциите на терористичката ПКК во 2016 година во југоисточната турска област Дијарбакир

АНКАРА (АА) - Турските разузнавачки сили го неутрализираа таканаречениот водач на терористичката организација ПКК/КЏК во северната ирачка покраина Киркук, соопштија безбедносни извори, пренесува Анадолу.

Ремзи Авџи, кој беше на листата на најбарани терористи на Туркије, ѝ се придружил на терористичката организација во 1992 година, велат изворите што побараа да останат анонимни.

Авџи, со кодно име Чија Ахмед, бил вклучен во терористички активности во сирискиот град Африн и ирачките региони Синџар и Гара, велат изворите, кои додале дека тој, исто така, имал организациона улога во акциите на терористичката организација во 2016 година во југоисточната турска област Дијарбакир.

Тој беше во црвената категорија на листата на барани терористи на Туркије. Листата на барани е поделена на пет категории со кодирани бои, со црвената како најбарани, а потоа сината, зелената, портокаловата и сивата боја.

ПКК е сепаратистичка организација што се наоѓа на листата на терористички организации во Туркије, Европската Унија и во САД.

Во текот на повеќедецениската кампања против Туркије, терористите на ПКК убија најмалку 40.000 луѓе, вклучително жени, деца и новороденчиња.